Sihina 20′
ශ්‍රී ජයවර්ධනපුර විශ්ව විද්‍යාලයේ සියලුම පීඨ නියොජනය කරනු ලබන උපාධි අපේක්ෂකයින් ඉලක්ක කර ගනිමින්, ශ්‍රී ලංකාවේ සමාජ ව්‍යවසායකත්වය ප්‍රවර්ධනය කිරීමෙහිලා ශ්‍රී ජයවර්ධනපුර විශ්ව විද්‍යාලයේ වයිකින්ග්ස් සමාජ නිර්මාණය කර ඇත. ශ්‍රී ලංකාවේ සමාජ ව්‍යවසායකත්වය අරමුණු කරගත් ප්‍රථම සහ එකම සමාජය වන අතර 2017 නොවැම්බර් 23 වන දින ශ්‍රී ජයවර්ධනපුර විශ්ව විද්‍යාලයේදී පිහිටුවන ලදී.
ජාත්‍යන්තර ව්‍යවසායකත්ව දර්ශකයේ ලැයිස්තුගත රටවල් 10 අතරට ශ්‍රී ලංකාව එක් කිරීම වයිකින්ග්ස් සමාජයේ දැක්මයි.
ස්ථාපිත වී වසර දෙකක් ඇතුළත 2019 වසරේ පවත්වනු ලැබූ ශ්‍රී ජයවර්ධනපුර විශ්ව විද්‍යාලයේ සේවා නියුක්ති නිපුණතා සම්මාන උළෙලේදී හොඳම ආයතනික සමාජ වගකීම් ව්‍යාපෘතිය සඳහා සම්මානයට පාත්‍ර වූ එකම සමාජය වන ශ්‍රී ජයවර්ධනපුර විශ්ව විද්‍යාලයේ වයිකින්ග්ස් සමාජයේ තවත් එක් ව්‍යාපෘතියක් වන “සිහින” ව්‍යාපෘතියේ ප්‍රථම අදියරය පෙබරවාරි මස 20 වන බ්‍රහස්පතින්දා දින කොලොන්නාව ටෙරන්ස් එන්. ද සිල්වා විද්‍යාලයේදී එම පාසලේ විදුහල්පතිතුමා ඇතුළු ආචාර්ය මණ්ඩලයේ සහ ශ්‍රී ජයවර්ධනපුර විශ්ව විද්‍යාලයේ කථිකාචාර්යවරුන් පිරිසකගේ සහයෝගීතාවය මධ්‍යයේ එමෙන්ම කොලොන්නාව තරුණ බෞද්ධ සංගමයේ අනුග්‍රහයද ඇතිව ඉතා සාර්ථක අයුරින් නිමාවිය. එම වැඩසටහන විශේෂ දෙශන මාලාවකින් සමන්විත විය.
හෙට දින රටේ අනාගතය භාර ගැනීමට සිටින එහෙත් අවාසනාවකට මෙන් මානසික අවපීඩනය, අපයෝජනය, මත්ද්‍රව්‍ය භාවිතය වැනි විවිධ තත්වයන්ගෙන් පැන නැගී ඇති පාසල් දරුවන්ගේ මානසික අසමතුලිතතාවයන් හේතුවෙන් රටේ අනාගතය යම් ප්‍රමාණයකට අවිනිශ්චිත තත්වයක පවතී.
ශ්‍රී ජයවර්ධනපුර විශ්ව විද්‍යාලයේ වයිකින්ග්ස් සමාජය විසින් එම දරුවන්ගේ ආත්ම අභිමානය ඉහළ නැංවීම සඳහා මෙන්ම ඔවුන්ගේ ජීවිතයට නිසි මග පෙන්වීමක් ලබා දීමේ අරමුණින් මෙම “සිහින” ව්‍යාපෘතියෙ ප්‍රථම අදියර දියත් කොට ඇත.
මෙම අරමුණ සාර්ථක කරගැනීම සඳහා ඉදිරියේදීද ශ්‍රී ලංකාවේ පාසල් දරුවන් ඉලක්ක කර ගනු ලබන අතර ඒ සඳහා
මෙම ක්ෂේත්‍රයේ නියතු ප්‍රවීණයන්ගෙ සහයෝගයද ලබාගනිමින් “සිහින” ව්‍යාපෘතිය ඉතාමත් සාර්ථක අයුරින් ක්‍රියාත්මක කරගෙනයාමට බලාපොරොත්තු වෙනු ඇත.
 |
|
|